Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Cuida curpa: Na Aruba tin hopi hende hayando stroke na edad jong
~ November 20, 2025
Stroke na edad jong? Con esey por y con jong nos ta papiando? Nos hendenan mester cuida curpa, cuida salud, pasobra aparentemente tin un fenomeno…
Buscando Husticia: Kico por miho na Aruba?
~ November 17, 2025
Buscando Husticia ta un edicion special di nos segmento Djis Pa Informa cual ta cuestiona kico por miho den husticia riba Aruba.
131 Aruba y Elmar NV ta presenta: Dakota in Blue!
~ November 18, 2025
131 Aruba y Elmar NV a bini hunto p’un tremendo proyecto titula Dakota in Blue! Algo zuiver pa nos hobennan den mundo di deporte, como…