Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Creativonan mester stop di acepta pago atrasa
~ November 12, 2025
A yega ora pa tur creativonan stop di acepta pago atrasa, punto. Ora cu bo ta traha den e mundo di media, arte, cultura, e…
Camacuri Harley Davidson Club Aruba a hiba Manuel da Silva riba su ‘Last Ride’
~ November 12, 2025
Camacuri Harley Davidson Club Aruba a hiba nan amigo Manuel da Silva na su ultimo ride diamars, unda cu el a keda na su ultimo…
Aplica mesora: Creando Futuronan tin Open Call na tur hoben y artista
~ November 11, 2025
Check esaki: un programa of tayer y mentorship den cultura, diseño, y pensamento critico pa hobennan na Aruba. E yama: Creando Futuronan, y si bo…