Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

No a trece banana pa nos: Ursell Arends ta keda den politica!
~ November 6, 2025
Ex minister y lider di Partido RAIZ, Ursell Arends a pasa bishita nos diahuebs mainta durante DPH Radio Variety Show riba Wavez 107.5 FM pa…
Sensacionalismo den prensa: Aruba tin e problema aki ainda?
~ November 3, 2025
Vincent Smit, di e organisacion 1Almere na Hulanda, recientemente tabata na Aruba unda cu el a duna un tremendo charla durante RAPP (Red Arubiano Di…
Makamba Style Snacks cu bunita iniciativa pa Fundacion Zinnia
~ November 3, 2025
E nomber ta pret, sigur. ‘Makamba Style Snacks’ a haci un bunita iniciativa pa Fundacion Zinnia caminda cu a yuda nan durante un fin di…