Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

‘Aruba su turismo a crece sin limite of maneho structural p’e no bira dimas’
~ August 19, 2026
E topico di turismo ta hot e ultimo temponan ‘ki, sigur ora ta papia di si Aruba a pasa su limite, y ta cuanto e…
‘Seguridad di alimentacion ta cuminsa na sanacion di nos pueblo’
~ August 17, 2026
Siguiendo riba e tema di seguridad di alimentacion, nos a bishita un cunukero local na Petite Greens Aruba kende a comparti cu nos nan experiencia…
‘Futuro di San Nicolas mester ta inclusivo y no pa grupito di hende’
~ August 14, 2026
Tin speransa pa San Nicolas, of e ta bay keda h*dido pa semper? Algun hende a perde speransa, pero gran mayoria ta mira e potencial…