One Heavy Island, pero no den e style cu bo ta pensa. Y no quote nos riba esey – e ta algo cu nos a tende pa prome biaha for di un profesional cu a tende esaki for di otro expertonan y/of profesionalnan den veld, algo cu a bini dilanti caba dus como un preocupacion. Edwin Roos, director di Wit Gele Kruis a bisa nos cu pa basta tempo caba Aruba ta consciente di ta bayendo den direccion di bira un ‘One Heavy Island’ cu problema grandi di sobrepeso y obesidad.
Un di e efectonan di nos birando un One Heavy Island ta cu bo ta mira e aumento di e malesa sucu, pero sucu den general bo ta haya den hopi producto tambe. Anto ora bo mira con nos ta biba awendia, hopi hende ta traha tin biaha dos trabao of mas sin tin tempo pa cushina. “Antes tabata pasa normal y awor no tin tempo p’e, famianan a bira mas chikito, bo no por cay bek riba bo abuelonan pa cuida bo yiunan y duna nan un bon cuminda,’ Edwin ta bisa.
Dus nos ta pidi boshi take-out, cuminda pre-prepara, y mayoria di biaha e estilo di come aki no ta esun di mas saludabel – causando problema p’e curpa na largo plaso.
One Heavy Island; mester baha man riba pastechi enzo?
Wel, sigur cu come cosnan mas saludabel ta semper bon specialmente si bo ta bay dicidi di come mainta trempan, cosnan vet tur ora ta bay trece su consecuencianan. Y banda di esey, pa come saludabel TA HOPI F*CKING CARO MES riba Aruba – aunke cu toch un combo na bo luga faborito di porkeria no ta dje barata ey mas tampoco, pero ja. Bida.
Nan ta bisa pa nos come mas saludabel, pero e circumstancianan rond di nos hopi biaha por haci esaki dificil. Pero no preocupa. E no ta imposibel pa tene un dieta bon balansa, cu bon movecion regular – por ehempel bo no mester biba den gym, pero bo por percura pa bo cana un tiki tur dia. Tin hopi cos cu nos por haci riba nos mes sin depende di gobierno of instancianan pasobra pa gran mayoria, bo lo keda warda pa semper pa ayudo si bo no cuminsa na yuda bo mes na unda cu bo por.
Djis Pa Informa ta presenta pa Awemainta: E diferencia den Noticia.
Aumento den suicidio, depresion y salud mental na Aruba
~ May 19, 2026
Depresion tin e isla di Aruba basta h*dido y mayoria no sa mes. Marcelino Mauricio di Stichting Hunto a pasa bishita nos pa papia riba…
Ban dialoga riba ‘One Happy Island’ y si esaki ta klop ainda
~ May 12, 2026
Aruba realmente ta ‘One Happy Island’ of esaki no ta klop mas? E prome consultorio nacional independiente riba futuro di Aruba ta na caminda, y…
Oriana Wouters: Calor extremo por trece hopi impacto negativo na Aruba
~ May 4, 2026
Calor extremo por trece consecuencianan hopi negativo pa Aruba, sigur si nos no modifica con nos ta diseña nos areanan urbano. Esaki segun investigacion haci…