Mientras tin tanto desaroyo den inteligencia artificial – tin organisacionnan, institutonan y expertonan batiendo alarma cu nos mester enfoca riba mehoracion den otro areanan di inteligencia, manera inteligencia emocional.
Riba nos isla, 131 Aruba, antes conoci manera Telefon Pa Hubentud, ta un fundacion cu tin casi tres decada trahando na bienestar di mucha y hoben. Y nan a bin ta constata ultimo tempo un patronchi preocupante.
Inteligencia emocional: Algo pa nos mucha y hobennan na Aruba
Den region Caribense, tin un crisis silencioso creciendo den nos mucha y hobennan. E no ta TikTok of Vaping, esey ta ful un otro tema. Estudionan regional recien ta mustra cu mita di hende jong ta raporta di sinti preocupa, tristo, of insigur riba nan futuro. Esaki no ta simplemente un asunto di salud mental – e ta un gap di inteligencia emocional.
Ta parce cu nos hobennan no ta semper bon ekipa cu e hermentnan necesario pa compronde, maneha of expresa emocion. Esey por trece cune consecuencianan preocupante den futuro: Ta ki tipo di hende nos lo tin ta cana rond di nos aki paar di tempo? Si e hoben aki, ora e bira un adulto, no siña maneha emocion, con e lo por maneha un instituto, organisacion, of hasta un pais? of wel den e caso aki – un isla. Algun lo bisa cu esaki t’e caso caba. 131 Aruba ta purbando di haci miho cu nan por pa cuminsa remedia esaki.
Mundialmente tin sistemanan purbando di responde n’e asunto aki. Scolnan den region por ehempel cu a cuminsa integra educacion socio-emocional, sosteni pa organisacionnan manera UNESCO, promoviendo empatia, regulacion emocional y diferente otro abilidadnan asina como parti di e experiencia escolar.
Sinembargo, progreso ta keda uno slow, anto e necesidad aparentemente ta urgente. Pasobra berdaderamente, hende jong den Caribe no ta emocionalmente zwak, kisas nan djis falta cierto tools y mas conocemento, den un mundo cu cada bes ta pasa den temponan di cambio.
Y con nos lo kies den sostene nan awo ta loke lo forma no solamente nan futuro, pero kisas tambe e futuro di henter e region Caribense.
Djis Pa Informa ta presenta pa Awemainta: E diferencia den Noticia.
Polis tin algun decada caba ta sufri di mesun problema na Aruba
~ October 10, 2026
Nos ta corda cu aña pasa a bini henter un manifestacion y coleccion di firma pa polis di Aruba haya bodycam, den conexion cu e…
falta di conocemento financiero por hinca bo den problema
~ October 6, 2026
Falta di conocemento financiero ta hinca hopi hende den problema cu debe. Esey ta practicamente logico. Pero esaki no ta ful di loke nos ta…
“Mester enamora bek den Oranjestad a pesar di tur reto”
~ September 18, 2026
Susanita La Bella ta un comerciante hopi conoci den Oranjestad. Su reto di mas grandi den opera negoshi den centro di ciudad ta falta di…
[…] Nos lo sigui cu e tema aki den combersacion cu mas experto y profesional den e veld. Mientrastanto, por lesa otro publicacionnan cu nos a haci riba e tema caba den pasado, manera esaki: TIN HOPI HOBEN CU PROBLEMA DEN REGULA EMOCION NA SCOL, of esaki: 131 ARUBA: MESTER EDUCA NOS MUCHANAN TOCANTE INTELIGENCIA EMOCIONAL. […]