Oriana Wouters: Calor extremo por trece hopi impacto negativo na Aruba

Calor extremo por trece consecuencianan hopi negativo pa Aruba, sigur si nos no modifica con nos ta diseña nos areanan urbano. Esaki segun investigacion haci pa medio di ecologo Oriana Wouters, den publicacionnan haci posibel cu BJP Fonds di Hulanda.

Bo por lesa mas tocante e publicacion aki y tur su topiconan cu el a toca, manera ideanan pa nos bushalte unda cu por tin un tipo di ‘cooling system’ y otro conceptonan, lesa mas riba e link aki: ‘Waar de Hitte Aruba raakt’ .

Calor extremo lo bira pio!

Den combersacion cu Oriana, el a splica nos cu sigur esaki lo por bira pio pa nos aki na Aruba si nos no cuminsa haci nos huiswerk y ehecuta cambionan awor, tuma accion awor – cual ta algo cu nos Rubianonan no ta mucho bon den dje. Hopi ta bisa cu aki parce nos gusta ‘warda baca hoga’ prome cu nos haci algo, aunke cu nos a keda adverti mil biaha riba consecuencianan.

Pero, esey ta nos Aruba dushi tera.

Djis Pa Informa ta presenta pa AweMainta: E diferencia den Noticia.