Famia di caso hit & run comienso di aña: ‘Nos kier husticia berdadero’

Diamars mainta e dos yiunan di e victimanan cu a perde nan bida den caso tragico di Hit and Run na comienso di aña den area di Wind Creek Casino, a bini dilanti c’un conferencia di prensa.

Nan a haci esaki pa reacciona riba algun punto despues di a keda basta luna keto lagando e investigacion sigui cana su caminda.

Caso Hit & Run lo ta den corte pro forma 3 di juli 2026

E yiu muhe Yhoely Willems a revela cu e tabata na estado e tempo ey, y nan no tabata sa. Yhoely fuera di ta yiu muhe di e victima, tambe tabata presente riba e anochi aki hunto cu su pareha, kende ambos a scapa di a posibelmente bira victima e anochi ey tambe.

Awor, su mama no lo t’ey presente pa por conoce su nieta, e prome yiu di su yiu muhe,cual ta algo basta fastioso y doloroso p’e famia cu e caso hit & run aki tragico a trece cune.

E caso lo bini dilanti diabierna 3 di juli den pro forma, y lo sigui cana su proceso pa sentencia cay eventualemente den e proximo lunanan.

Djis Pa Informa ta presenta pa AweMainta: E diferencia den Noticia.