Coach Ferdinant ta cla pa sigui contribui na eleva Aruba su futbol cu hopi pasion

Aruba su futbol ta den bon man, y awor mas cu nunca mirando con e siguiente generacion ta ‘stepping up’ den yuda contribui na eleva Aruba su futbol y sigui desaroya esaki.

Recientemente nos a mira den medionan deportivo local cu coach Ferdinant Robert a ricibi su certificacion oficial den Pedagogy & Didactics despues di dos aña dedica seriamente na esaki. Bon trabao ohm.

Aruba su futbol bayendo den bon caminda

Su research den loke ta e parti di Talent Development Scheme (TDS) a explora con e programa ta impacta e exito academico di studiantenan atleta, hunto cu e sosten nan mester pa por logra yega na exito ambos na scol y riba veld. Ferdinant ta bisa cu awor e hobennan cu ta den e programa ta bezig ta train riba un nivel hopi mas halto, hopi mas ora y dedicacion, y cu esaki ta bini hopi disciplina y responsabilidad.

E coach ta enfatisa cu pa medio di arte, musica, y sigur deporte, ta yuda desaroya bo mes riba nivelnan mas amplio unda ta afecta bo bida y sociedad completo.

Coach Ferdinant ta Assistant Coach y Head Coach di Aruba U-14 Boys National Team, kende awor ta preparando pa CFU Challenge, Caribbean Football Union. Esaki ta enfoca riba e parti di desaroyo pa tur paisnan den region, organisa cada dos aña.

E ta un bunita oportunidad pa Aruba competi contra e miho seleccionnan den Tier 1 na Republica Dominicana.

Djis Pa Informa ta presenta pa Awemainta: E diferencia den Noticia.

Despues di a ricibi su certificacion di PDG, awor ta sigui na prepara e hobennan – aportando na eleva Aruba su futbol cu su experiencia y expansion den conocemento, nice! 🤓