Kirk Burrowes: ‘Mi ta kere Diddy mes ta tras e morto di Tupac Shakur’

Diddy ta tras di morto di Tupac? Awe den nos edicion internacional di Djis Pa Informa, nos kier a toca un rato ariba e documentario nobo “Sean Combs – The Reckoning” cual recientemente a sali ariba Netflix.

Esaki ta un documentario cu e rapper y productor ehecutivo di e film, Curtis ’50 Cent’ Jackson tin basta tempo ta bisa cu lo ta na caminda. Algun a kere cu ta blof e tabata blof, pero awor cu e documentario a sali – e ta e topico di dia riba rednan social.

Kirk Burrowes ta e co-fundado di “Bad Boy Records” cual a domina musica Urbano / Hip Hop / Rap durante añanan 90 te cu ongeveer añanan 2000. Kirk ta bisa cu awor cu su mente mas madura mirando tur loke el a biba cu Diddy, henter e experiencianan cu nan a pasa hunto y tur loke a sosode rond di Diddy – e ta haya cu Diddy ta responsabel pa e morto di Tupac Shakur.

Segun un publicacion recien di People, tin HOPI cos cu ta liga e asunto aki n’e famoso Diddy, Sean Combs, Puff Daddy, Love – of con cu bo kier yama e homber.

Den e documentario nan ta bay bastante “deep” den e conexionnan haci pa loke ta cierto di e declaracionnan aki – y si abo tambe ta un fanatico di e genero di Hip Hop/Rap y su historia, esaki sigur ta un serie di documentario cu bo mester bay wak pa bo mes kere.

Hopi laaf cu e documentario ta solamente cuater episodio so!