Tin hopi hoben cu problema den regula emocion na scol

Mirando tur loke ta pasando ultimo tempo na Aruba: un hoben di 18 aña ta mata y chop su tanta pida pida hinc’e den freezer, te na recien un hoben ta tira cu arma di candela kita bida di otro hoben.

E pregunta cardinal ta cuminsa bin dilanti: ki c*ño ta pasando cu nos hobennan, of mas bien kico lo por ta pasando den nos hogarnan? Den nos barionan? Den nos comunidad?

E tema di regulacion di emocion ta uno clave pa analisa pasobra check esaki: un mucha muhe ta stop su relacion of ‘date’ un mucha homber, anto un otro mucha homber ta bin ‘kita su chick for di dje’ cual ta causa problema pasobra uno ta bira jaloers, rabia, ta start pelea – y asina cos ta sigui pasobra no por regula emocion.

Esey ta djis un ehempel, no bin baha duro riba nos cu nos ta skirbi k*ka, pero ta asina cos ta – hoben cu no por regula emocion pa un of algun otro motibo anto ta start un problema. E problema ta escala bay bira na algo mas grandi, famia y amistadnan por cay aden, anto awo tin yen hende inocente tambe hinca den baina pasobra uno no por a controla su rabia.

Hoben NO por regula emocion: Con awo?

Esaki ta algo cu profesionalnan den e area di enseñansa, pero sigur mayornan na cas mester cuminsa tene miho bista na dje. Nos a yega di publica anteriormente algo tocante esaki den entrevista cu 131 Aruba cu a bati alarma riba e tema aki.

Ta algo cu sigur nos lo sigui mira mas den dje cu diferente otro experto y profesionalnan den siguiente publicacionnan.

Djis Pa Informa ta presenta pa AweMainta: E diferencia den Noticia.