‘Kico lo haci pa esnan inocente ora cu autoridad drenta nan hogar?’

Awor ta parce cu na Aruba hasta autoridad mag haci kico cu nan kier, aparentemente. Dicon nos ta bisa esey? E siman cu a pasa tabata tin poco accion na Tanki Leendert den oranan laat di mardruga caminda recherche di Narcotica a drenta un area di apartament buscando droga, anto a detene algun hende. Fine.

Loke no tabata leuk ta cu den e proceso aki a spanta y traumatisa varios hende inocente cu no tabata sa ni tabata tin nada di haber cu loke tabata pasando den e area di apartament aki. Wel.

Autoridad ta haci ‘ki nan kier, of con?

Segun hurista dr. Jayburtt Dijkhoff di Fundacion SIKI, e ta puntra si autoridad por yega drenta bo cas awor y kico lo haci pa esnan inocente ora cu esaki tuma luga? Husticia tabata buscando algun sospechoso y ningun hende ta contra esey – e pregunta ta bay mas rib’e proteccion cu constitucion di Aruba ta duna ciudadano, sigur esnan completamente inocente.

“Articulo 1.17 di nos constitucion ta bisa cu no por drenta den cas di un persona sin autorisacion di hues, y si haci esaki mes mester haci esaki den tal forma cu ta menos invasivo y menos extremo cu ta posibel.”

Jayburtt a laga sa cu practicamente no a cumpli cu articulo 155 di nos procedura penal, un fiscal Hulandes a bin informa tur hende despuess di tur e drama y susto kico tabata e intencion. Door cu no tabata sa unda e sospechoso ta, a opta pa saca tur hende pa por haya e personanan den cuestion. Y ainda tin varios pregunta habri.

Tin pensa pa entrega un carta oficial na Parlamento cu firma di habitantenan. Ta pidi comunidad pa sostene e causa aki.

Djis Pa Informa ta presenta pa Awemainta: E diferencia den Noticia.