Minister Dowers: Ley anticua no necesariamente ta stroba

Ley anticua, ta stroba nos proceso di husticia? Bon pregunta – cu ta bini hopi dilanti recientemente! Nos a publica un edicion special di nos segmento Djis Pa Informa titula Buscando Husticia, unda nos a combersa cu ciudadano Mike Petronia como tambe cu fiscalnan di husticia, tocante diferente aspecto di e structura y proceso di husticia na Aruba.

Bo por bay check e riba nos website of YouTube si bo no a wak e ainda – nos ta recomenda bo tira un bista.

Ley anticua, ta stroba?

Siguiendo e combersacion, nos a bishita Minister di Husticia, mr. drs. Arthur Dowers kende nos a tuma nota cu aparentemente ta un bon cantante tambe. Pero nos mester a pone e cantamento un banda un rato pa bay ariba algun tema serio. 

Mesora nos a haci Minister Dowers e pregunta: Ora cu pueblo ta keha cu mester hisa castigo, kico ta bo reaccion? Nos a toca e parti di leynan anticua tambe, y si esaki ta stroba proceso di husticia pa cana su caminda debidamente den algun caso.

Djis Pa Informa ta un segmento presenta pa Awemainta, E diferencia den noticia.