Negligencia medico riba Aruba ta un tema, wel, fastioso. Jasun Fun, conoci pa su aventuranan den loke ta mundo di drifting, como tambe den cushina di Taste Buds Cafe n’e cantina di WEB, a haya su mes den un situacion poco basta fastioso aña pasa.
El a sufri di un problema cu su apendix, el a practicamente explota, y tabata cerca di conoce nos tata cu ta na shelo. Tur esaki a pasa pa motibo di negligencia medico, si lo a atende cu ne na tempo, por a scapa Jason di hopi dolor. Bon mes a move rapido y su dokter di cas a actua tambe, paso esey a scapa su bida.
Negligencia medico: un ‘open secret’ na Aruba?
Ta varios biaha bo ta tende storia di cosnan cu a bay robes den loke ta atencion of cuido medico riba nos isla. No ta tur ora e storianan ta mescos, pero hopi bes por ripara cu ta trata di un of otro forma di negligencia medico.
Mester watch-out cu e tipo di cosnan aki. Pasobra e caso aki ta uno cu por a caba hopi malo. E homber a bini eerste-hulp cu hopi dolor, no a atende debidamente anto a mand’e cas, enbes di scucha kico e tabata bisa nan anto atende cu ne pa mira kico tabata pasando. Foei, mane nan ta bisa.
Scucha e entrevista completo di Jason riba DPH Radio Variety Show den studionan di Wavez y wak pa bo mes kico tur a sosode.
Abo ta bay carnaval cu baby of mucha chikito?
~ January 23, 2026
Ah, ki dushi ta carnaval. Pero carnaval no ta asina dushi ora cu bo ta mira cierto cosnan cu tin biaha ta medio pone bo…
Participa y gana cu campaña nobo di Digital View!
~ January 22, 2026
Digital View ta un compania cu ta brinda e miho digital marketing ariba e isla cu nan variedad di digital billboards cu ta ful rond…
Dicon polis ta nenga di tuma denuncia den caso di Hit & Run?
~ January 20, 2026
Aña 2026 a bin ta start cu un cos straño tras di otro – y nos cu ta un pagina satirico, pa promove alegria mastanto,…