‘Plan pa bario nobo na Burubundu tin hopi contradiccion’

Atrobe, naturalesa di Aruba por ta den problema pa motibo di desaroyo totalos, cu plan p’un bario nobo na Burubundu cu ta sin pia y sin cabes.

Aaron Bislip di Fundacion Conpa ta un hoben profesional cu ta saliendo dilanti pa trece hopi punto clave den e desaroyo aki. Tin areanan di e proyecto cu aparentemente no ta bon defini, tin hende cu ainda ni ta informa di kico tin destina pa bini den nan area of kico lo mester pasa cu nan tereno.

Tambe, e matanan protehi cu tin den e area unda por ehempel den e plan di desaroyo ta mira cu lo tin diferente construccion, dus lo mester kita e matanan protehi aki? Of kico lo ta e solucion?

Naturalesa na Burubundu no lo keda afecta, segun gobierno

E respuesta for di gobierno riba e preocupacionnan ta cu no lo mishi cu ningun mata protehi, y lo preserva e naturalesa aki. “Esey ta un contradiccion directo”, Aaron ta bisa.

Aworaki ta e momento cu publico tin derecho di entrega nan punto di bista, un momento importante cu por evita hopi problema pa ora di sigui e desaroyo aki.

Djis Pa Informa ta presenta pa Awemainta: E diferencia den Noticia.