Situacion Venezuela: Aruba ta prepara pa duna asilo?

Si e situacion na Venezuela bira, wel, hopi fastioso – Aruba ta prepara pa duna asilo?

Esey ta un pregunta cu nos a haci nos Minister di Husticia, mr. drs. Arthur Dowers, kende no a ful contesta nos pregunta, pero toch si, pero toch no tampoco, pero toch si – un poco, ish.

Nos ta bay purba na haya sa si kico tabata tin den e sandwich ey cu minister-president anterior a ofrece na migrantenan for di Venezuela algun tempo atras.

Situacion Venezuela: Cos ta keda bira mas hot

Nos ta ripara aki na Aruba ta hopi keto ora ta trata e tema aki – hopi hende no kier ni mete of papia di dje. Hasta gobernantenan y parlamentarionan of otro lidernan no ta bini dilanti pa papia riba e situacion di Venezuela, y con esaki por impacta nos indirectamente como tambe sigur directamente.

Nos niun por haci nada, ta berdad, hopi cos ta fuera di nos man. Sinembargo, esey no kiermen nos tin cu actua manera nada ta pasando tampoco, manera nos dushi Rubianonan gusta haci, te ora cu ‘baca hoga’ y nos ta buscando papel di WC den Price Smart manera hende loco.

E segmento aki di Djis Pa Informa ta presenta pa AweMainta: E diferencia den noticia.