Stichting Funari ta keda demostra hende cu limitacion tambe por haci hopi cos

Bo conoce Stichting Funari? Nan ta un organisacion pa persona cu limitacion, invalido, unda cu nan ta haya nan mes c’un tremendo team di hende cu curason grandi ta haci diferente actividad cu nan.

Nan t’ey pa sostene tur persona entre 18 – 65 aña cu limitacion fisico, sea cu nan ta riba rolstoel of cu dificultad di cana.

Riba 31 di mei, na Cas Funari situa na Savaneta 340, cumisando pa 5:30pm, lo tin un bunita evento den conexion cu e proyecto ‘Arte Sin Frontera’ unda cu clientenan di Stichting Funari a uza materialnan recicla pa traha diferente tipo di paña y articulo.

Nan a siña masha hopi otro cos tambe durante e temporada aki unda cu nan a participa den un variedad di actividad y curso.

Awor nan ta bay comparti nan resultado cu Aruba completo. Bon cos! Entrada ta completamente gratis.

Djis Pa Informa ta presenta pa AweMainta: E diferencia den Noticia.