Ta bon idea cera beach na Aruba un biaha pa luna?

Nos a bay rond, Djis Pa Curiosidad y puntra algun hende na beach kico nan ta pensa di e idea pa cera beach na Aruba un bes pa luna, algo cu gobierno di Aruba a recientemente anuncia di lo kier cuminsa implementa na 2028.

Cera beach na Aruba un biaha pa luna? Con asina?

Esaki den conexion pa cuida nos recurso natural principal, nos lama, y duna esaki un dia di descanso tur luna, segun minister di Turismo. E discusion aki lo sigui mirando tur pregunta cu ta surgi: con por ehecuta algo asina? ki efectonan esaki realmente lo tin na nos biodiversidad? ki estudio tin cu data veredicto pa para tras un decision asina? Y nos por sigui.

Mientrastanto, nos a bishita Mangel Halto – un beach cu por cierto awor tambe ta drenta hopi keho cu e ta birando demasiado druk compara con tabata antes, y nos a puntra diferente hende kico nan ta pensa di cera beach un biaha pa luna.