Tour Operators Uni: Preocupacion pa territorionan cu lo cera pa tur vehiculo di motor

Tour Operators na Aruba ta preocupa: tin un caso andando cu por perhudica e futuro di loke ta e actividad turistico aki pabao di nos costanan, cual lo ta cera pa tours pero tambe pa publico, dependiendo na sentencia di hues.

Dia 10 di september lo tin sentencia den un caso interesante entre Aruba Birdlife Conservation contra Pais Aruba y Aruba Conservation Foundation (ACF) – Parke Arikok, relaciona cu ceramento di teritorio pa tur vehiculo di motor pabao di costanan.

Tour Operators Uni recientemente a bini hunto pa bay prepara un manifesto cu intencion di entrega na parlamento, cos ta hot y casi ningun hende ta bon informa riba kico ta pasando.

Tour Operators tambe ta pro regulacion, pero no di e forma aki

ABC Tours ta conta nos cu cerca nan no tin free for all, nan no ta laga hende core unda cu ta, y nan tin bista riba tur cos cu data y tecnologia sexy cu ta mustra nan kico tur ta pasando cu nan tours riba caya, algo cu kisas no ta tur compania di tour ta haci.

E compania di tour ta conta nos cu nan ta pro regulacion, no ta asina cu nan ta haci cos pa loco sin tene consideracion di nan impacto di nos medio ambiente y naturalesa. Pero, no a invita nan pa dialogo y kier dicidi yen di cos sin sa con esaki lo por primordialmente afecta pan di hende, y tambe acceso di publico mes na e areanan cu nan kier ‘proteha’ y prohibi hende di drenta cu vehiculo.

Por mira mas den e entrevista ariba.

Djis Pa Informa ta presenta pa Awemainta: E diferencia den Noticia.