Traficacion humano: internet t’un facilitado grandi awendia

Traficacion Humano ta tuma diferente forma. Esaki segun consultant, trainer y researcher na Pronad Cariben Consultancy, Angela Persad, kende por cierto tabata tin un seminario recientemente tocando diferente aspecto di e tema.

Traficacion humano: Un realidad diario

Segun Angela a splica nos, internet ta hungando un rol grandi awendia den e diferente aspectonan cu ta existi dentro di traficacion humano. Ta importante pa reconoce e señalnan pasobra si bo mira algo, y bo bisa algo, bo por scapa un bida.

Traficacion humano ta ora cu bo ta abusa of uza un persona contra su boluntad, fraude, of manipulacion – unda hopi bes ta envolvi bendemento di sex, te hasta organo humano.

Si tin menor di 18 aña cu ta den e mundo di sex comercial, esaki ta considera dibiaha como traficacion humano —y ora cu m’a haci e pregunta si esaki ta tumando luga na Aruba, esaki mas bien ta wordo scucha ‘via via’ segun Angela.

Tin hopi miedo y intimidacion tras di e topico aki cu ta crea mas peliger tin biaha p’e victimanan.

Pa motibo cu tur cos ta cambiando asina lihe y awendia con tecnologia ta avansa, ken cu ta por ta un victima di traficacion humano mas ainda. Y por tin tin hende hasta envolvi den e tipo di cosnan aki, transportando hende di un punto pa otro punto por ehempel, sin cu nan mes ta ful bon informa den kico nan ta hinca aden.

Djis Pa Informa ta presenta pa Awemainta: E diferencia den Noticia.