Crecemento di turismo? Esey semper tabata bon pa tende akibanda den e islanan cu ta depende grandemente di dje. Awendia parce cos ta mane, un tiki otro. Un pregunta cu nos a haci CEO di Aruba Conservation Foundation, Tyson Lopez, ta na unda nos mester “draw the line” manera ta bisa na Ingles unda cu Turismo no por crusa mas? E ta un pregunta un tiki dificil pa contesta sigur.
Recientemente ta parce cu pa medio di dialogo, tour operators y gobierno di Aruba ta yegando na otro pa loke ta e tema aki di turismo responsabel.
Ora cu bo wak bon – tur cos ta bini bek n’e cantidad di turista cu nos isla ta haya – Y Aruba Conservation Foundation tambe ta halando orea di esnan concerni riba e parti aki.
Aruba Conservation Foundation ta maneha naturalesa di casi 25% di e isla – y nan ta bisa di ta purba na cera tur caminda pa acceso unda cu no por maneha bon of unda cu tin impacto.
En todo caso – nos tin boshi ley den luga pa mitiga impacto di nos medio ambiente y naturalesa , sin cu ta implementa nan. Y esaki ta un di e retonan di mas grandi den loke ta trata conservacion, segun Tyson.
Djis Pa Informa ta presenta pa Awemainta: E diferencia den Noticia.
‘Futuro di San Nicolas mester ta inclusivo y no pa grupito di hende’
~ August 14, 2026
Tin speransa pa San Nicolas, of e ta bay keda h*dido pa semper? Algun hende a perde speransa, pero gran mayoria ta mira e potencial…
Segun Minister: Grupo di studiante bayendo Hulanda e aña ‘ki ta ‘hopi chill’
~ August 6, 2026
E grupo di studiante cu a sali bay Hulanda diaranson ta mustra di ta cla p’e reto nobo y tambe di ta ‘hopi chill’ segun…
‘Kico lo haci pa esnan inocente ora cu autoridad drenta nan hogar?’
~ August 7, 2026
Awor ta parce cu na Aruba hasta autoridad mag haci kico cu nan kier, aparentemente. Dicon nos ta bisa esey? E siman cu a pasa…