Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

Tin un desaroyo na Pos Chikito cu ta hopi cuestionabel | UNSHOW EP. 12
~ July 10, 2026
Ki caraho ta pasando na Pos Chikito? Tin algo pasando eybanda y tur hende ta keto — ta papia aki di menasa na paisahe, comunidad…
131 Aruba: Mester educa nos muchanan tocante inteligencia emocional
~ April 6, 2026
Mientras tin tanto desaroyo den inteligencia artificial – tin organisacionnan, institutonan y expertonan batiendo alarma cu nos mester enfoca riba mehoracion den otro areanan di…
Soberania di cuminda: Pa Aruba ta mas relevante cu ‘food security’
~ July 4, 2026
Abo sa kico kiermen Soberania di cuminda? Den loke ta desaroyo di agricultura y soberania di cuminda riba nos isla, of ja wel eigenlijk “food…