Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

No por critica Aruba den no tin suficiente ayudo pa mucha cu Autismo
~ June 15, 2026
Natasha Richardson, kende ta mama di Amanda Britten, a splica nos cu e no ta sinti cu por culpa Aruba pa no tin suficiente ayudo…
Gobierno a anuncia algun paso cu a tuma den yuda compensa costo di bida
~ June 10, 2026
No ta tur ora bo lo haya nos na un tipo di conferencia manera esaki pasobra practicamente nos NO ta un medio di comunicacion di…
Futuro di San Nicolas: Prospero, of ainda Desconoci?
~ June 12, 2026
Ora nos papia di San Nicolas, hopi hende ta pensa bek riba refineria, temponan di Lago, y con cos tabata ta antes – pasobra awendia…