Cu un structura nobo y mas atencion pa desaroyo di talento, Aruba por bira mas competitivo den volleyball internacional.
Angel Peña, head coach di beach volleyball di Aruba y entrenador Venezolano cu certificacion nivel 3 di Federacion Internacional di Volleyball (FIVB), tin un vision cla pa futuro di e deporte na nos isla.
Segun Peña, mester cambia structura actual di volleyball na Aruba, poniendo mas enfasis riba formacion di atleta, preparacion fisico y desaroyo tecnico.

Tres curso importante pa 2027
Den colaboracion cu Federacion di Volleyball, Peña kier introduci tres curso importante pa 2027, cu lo yuda unifica e manera cu entrenadornan ta identifica talento, desaroya atleta, y prepara nan fisicamente.
E meta ta pa tur nivel di volleyball, for di iniciacion te na alto rendimiento, traha den e mesun direccion.

Di participacion pa competencia internacional
Peña ta remarca cu actualmente Aruba ta concentra hopi riba tactica, mientras cu preparacion fisico y tecnica ainda tin espacio pa mehora.
Su vision ta pa identifica talento for di edad chikito, desaroya e capacidad fisico di e hobennan, y prepara nan pa competi na un nivel mas halto.
“Aworaki nos ta participa, pero aki cinco pa ocho aña nos por tin un team competitivo,” Peña a expresa.
C’un structura solido y un vision comparti, Peña ta spera cu volleyball na Aruba por pasa di simplemente participa na torneo, pa realmente competi na nivel internacional.
Djis Pa Informa ta presenta pa Awemainta: E diferencia den Noticia.

‘Vox Impact Studio’ lo tene hoben bon bezig pariba di brug
~ May 14, 2026
Aworaki e hobennan na San Nicolas tin algo mas pa por haci despues di scol, algo productivo y positivo net na Santa Teresita mes cerca…
Discovering Aruba: A Tour of the California Lighthouse
~ September 13, 2025
Welcome, Ladies and Gentlemen, to the Sly & Snide Tour Guide Show! I am your host, Beach Lama, and today we embark on an exciting…
California Lighthouse a keda nechi: Stichting Monumentenfonds a finalisa su mantencion
~ January 16, 2026
Despues di mas o menos tres luna di trabao, Stichting Monumentenfonds Aruba a logra termina e mantencion di California Lighthouse, pero loke a sorprende nos…