Campamento a bira mas caro?

Temporada di campamento ta un tradicion grandi na Aruba, algun famia ta haci esaki pa cuarenta aña caba. E aña aki nos a bay rond y haci e pregunta, Djis pa Curiosidad: Campamento a bira mas caro?

Algun a bisa nos cu nada no a cambia, e ta basicamente mescos y bo tin cu djis sa con pa budget bo cos. Sinembargo, e gran mayoria a bisa nos cu nan si ta haya cu pa motibo cu cosnan a bira mas caro, costo di bida ta mas halto, esey ta haci cu naturalmente campamento ta mas caro.

Campamento a bira mas caro of no pa tur hende?

Algun hende a bisa nos cu nan hasta mester corta den budget – dus e aña aki tin campadonan cu no por a disfruta di un dushi porkchop of ribs, y mester a bay cu galiña so. Kico abo ta pensa?