Mientras tin tanto desaroyo den inteligencia artificial – tin organisacionnan, institutonan y expertonan batiendo alarma cu nos mester enfoca riba mehoracion den otro areanan di inteligencia, manera inteligencia emocional.
Riba nos isla, 131 Aruba, antes conoci manera Telefon Pa Hubentud, ta un fundacion cu tin casi tres decada trahando na bienestar di mucha y hoben. Y nan a bin ta constata ultimo tempo un patronchi preocupante.
Inteligencia emocional: Algo pa nos mucha y hobennan na Aruba
Den region Caribense, tin un crisis silencioso creciendo den nos mucha y hobennan. E no ta TikTok of Vaping, esey ta ful un otro tema. Estudionan regional recien ta mustra cu mita di hende jong ta raporta di sinti preocupa, tristo, of insigur riba nan futuro. Esaki no ta simplemente un asunto di salud mental – e ta un gap di inteligencia emocional.
Ta parce cu nos hobennan no ta semper bon ekipa cu e hermentnan necesario pa compronde, maneha of expresa emocion. Esey por trece cune consecuencianan preocupante den futuro: Ta ki tipo di hende nos lo tin ta cana rond di nos aki paar di tempo? Si e hoben aki, ora e bira un adulto, no siña maneha emocion, con e lo por maneha un instituto, organisacion, of hasta un pais? of wel den e caso aki – un isla. Algun lo bisa cu esaki t’e caso caba. 131 Aruba ta purbando di haci miho cu nan por pa cuminsa remedia esaki.
Mundialmente tin sistemanan purbando di responde n’e asunto aki. Scolnan den region por ehempel cu a cuminsa integra educacion socio-emocional, sosteni pa organisacionnan manera UNESCO, promoviendo empatia, regulacion emocional y diferente otro abilidadnan asina como parti di e experiencia escolar.
Sinembargo, progreso ta keda uno slow, anto e necesidad aparentemente ta urgente. Pasobra berdaderamente, hende jong den Caribe no ta emocionalmente zwak, kisas nan djis falta cierto tools y mas conocemento, den un mundo cu cada bes ta pasa den temponan di cambio.
Y con nos lo kies den sostene nan awo ta loke lo forma no solamente nan futuro, pero kisas tambe e futuro di henter e region Caribense.
Djis Pa Informa ta presenta pa Awemainta: E diferencia den Noticia.
Ban dialoga riba ‘One Happy Island’ y si esaki ta klop ainda
~ May 12, 2026
Aruba realmente ta ‘One Happy Island’ of esaki no ta klop mas? E prome consultorio nacional independiente riba futuro di Aruba ta na caminda, y…
Oriana Wouters: Calor extremo por trece hopi impacto negativo na Aruba
~ May 4, 2026
Calor extremo por trece consecuencianan hopi negativo pa Aruba, sigur si nos no modifica con nos ta diseña nos areanan urbano. Esaki segun investigacion haci…
Como mayor: bo ta sinti bo riba survival mode?
~ May 9, 2026
𝐒𝐮𝐫𝐯𝐢𝐯𝐚𝐥 𝐌𝐨𝐝𝐞: cos di tur dia ora cu bo ta mayor! En conexion cu’n proximo Conferencia di Famia “Di Generacion pa Generacion”, Tienda di Educacion…