‘Nos no ta tuma responsabilidad pa nos mesun pais’

No ta asina cu turista ta bin Aruba y haci kico cu nan kier, ta nos no ta tumando responsabilidad pa nos mesun pais. Esey ta loke CEO di AHATA, Tisa LaSorte a contesta nos ora nos a puntr’e kico e ta pensa di esaki pasobra tin biaha ta parce cu turista ta bin Aruba den un estilo ‘free-for-all’, sin consecuencia.

Mas responsabilidad: Aruba mes tin cu tuma accion

Den pasado caba a sosode varios tragedia, y esakinan ta sigui pasa sin cu ta presta bon atencion riba con e ta afectando Aruba su nomber. Ta nos mes ta duna e turistanan cosnan pa haci sin tuma responsabilidad – dus e prome stap ta na cuminsa introduci mas control, implementa ley, y tuma algun decision dificil cu no tur hende ta bay gusta.

Djis Pa Informa ta presenta pa Awemainta: E diferencia den Noticia.