Con hopi bo sa tocante historia di sclavitud na Aruba?

Pa loke ta e historia di sclavitud na Aruba, tin hende ta kere cu Aruba no a hunga un rol asina grandi den esaki, otronan ta kere of hasta nenga cu esaki a tuma luga na Aruba. E documentario ‘Si e Baranca por a Papia’ , completamente produci na Aruba, ta enfoka riba parti aki di nos historia cu sea hopi hende no kier accepta, of ta desea p’e no ta berdad.

Sclavitud na Aruba: E historia ta tur caminda si bo habri bo wowo!

E documentario aki ta investiga e historia di sclavitud na Aruba, poniendo enfasis riba areanan unda hopi cos a tuma luga y cu tin hopi historia. Combinando investigacion periodistico, archivonan historico, mapanan bieu, dramatisacion y entrevista cu expertonan local.

E documentario ta pone riba mapa e luganan cu awendia nos conoce manera cunucu, tereno of concessiegrond – pero cu tin un pasado mas profundo liga cu sistema di plantage y trabao forsa.

Bo ta bay mira e historia di personahenan manera Virginia, Juan y Thomas. Nan bida ta registra den archivo, lubida pa basta tempo – y awor nan storia ta visibel riba pantaya grandi. E produccion no ta solamente un relato historico, segun Stamper ta expresa, ‘e ta un invitacion pa reflexiona riba nos pasado y con e ta influencia nos presente.’

Publico completo ta cordialmente invita pa bay wak e documentario aki y asina participa den e dialogo tocante e pasado y futuro di nos isla.

E documentario lo pasa for di 5 di maart na The Movies Aruba, pa un siman na tur localidad. Pa mas informacion tocante orario di screening por bishita The Movies Aruba.

Djis Pa Informa ta presenta pa Awemainta: E diferencia den Noticia