Soberania di cuminda: Pa Aruba ta mas relevante cu ‘food security’

Abo sa kico kiermen Soberania di cuminda? Den loke ta desaroyo di agricultura y soberania di cuminda riba nos isla, of ja wel eigenlijk “food security” mastanto, ultimo tempo hopi asunto a bin ta lanta basta stof. Cumisando cu e desaroyo cu gobierno a anuncia tocante un Agri Innovation Park, cual no a cay den bon tera cerca varios cunukero y agricultor local, segun tambe nos a bini ta compronde for di Rose Barros di Living Soil Aruba.

Rose a splica nos cu e no ta contra ningun projecto ni sigur inovacion pa nos isla, e punto ta mas grandi.

Soberania di cuminda: no ta berdad cu Aruba por keda sin cuminda

Rose a splica nos cu no mester cay den e narativo tocante barconan cu no lo drenta mas, y problemanan di importacion. Mas bien, nos mester focus riba e regeneracion di nos mesun tera pa nos propio tera mes por duna nos cuminda, algo cu tabata asina caba den pasado tempo cu e Caquetionan a bin Aruba.

E desaroyonan di clima y su impactonan ta mundial, pero loke gobierno mester inverti den dje aworaki segun Rose ta den comparti e conocemento aki, riba con nos por yuda nos naturalesa den regenera e tera.

Den e proximo simannan nos lo tin mas serie di items rond e temanan aki di entrevista cu nos a haci cu Rose Barros di Living Soil, como tambe mas experto local den e area aki. Keda bo pendiente!

Djis Pa Informa ta presenta pa AweMainta: E diferencia den Noticia.