No por critica Aruba den no tin suficiente ayudo pa mucha cu Autismo

Natasha Richardson, kende ta mama di Amanda Britten, a splica nos cu e no ta sinti cu por culpa Aruba pa no tin suficiente ayudo pa muchanan cu autismo. “Ami no ta critica Aruba”, Natasha ta bisa, “Pasobra mi ta compronde cu nos ta un isla, nos ta hopi chikito.” For di ora Amanda, su yiu muhe, kende ta considera un ‘**autistic savant’, a haci 1 aña, su mama a busca ayudo di afo p’e.

Sigur ta haci falta pa mas atencion na mucha y hoben cu Autismo riba nos isla – pero e no ta cuminsa ni stop na Autismo, tin hopi cos cu nos mes por haci riba nos mes cu boluntad propio y bon conocemento manera cu Amanda su mama a bin ta haci tur e tempo aki.

”Door di esaki mi a crea diferente cos cu diferente departamento, fundacion y hende individuo na Aruba, anto esey ta algo cu nos kier comparti tambe.”

Autismo: Mas ayudo pa mucha y hoben via curso y training

Mama y yiu hunto a traha riba e proyecto Andara Life cual nan ta lansando awor. Esaki ta un website cu ta celebra nan como mama y yiu. Te cu awor nan a biba un bida cu hende por a sigui riba media. Amanda ta un hoben hopi inteligente kende a crece mustrando ken e ta, y Natasha como su mama den background.

Amanda ta un hoben cu ta un di e promenan na Aruba pa pasa door di ‘Homeschool’ of ThuisOnderwijs. “Ami tabata su docente p’e pa hopi aña.”

Natasha ta bisa nos cu Andara Life a bini pa motibo cu esaki ta loke Amanda a duna su mama como reto despues di a bay Hulanda pa sigui su estudio y carera. Amanda a bisa cu su mama awor mester mustra ken e ta – awor cu su yiu a bula bay, Natasha por sigui na brinda informacion y guia cu training na otro mayornan cu tambe tin yiu manera Amanda y bibando riba un isla limita.

Por tuma contacto cu Natasha riba 563 5417 pa haya mas informacion riba e diferente curso y training cu tin.

Djis Pa Informa ta presenta pa AweMainta: E diferencia den Noticia.